15 თებერვალს, მოსწავლე-ახალგაზრდობის ეროვნულ სასახლესა და მართვისა და კომუნიკაციის საერთაშორისო სასწავლო უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს ეროვნული სასახლის დირექტორმა, თიკა რუხაძემ და მართვისა და კომუნიკაციის საერთაშორისო სასწავლო უნივერსიტეტის რექტორმა, ნათია გოცაძემ.
მემორანდუმის მიზანია მოსწავლე-ახალგაზრდებში მედია წიგნიერების დონის გაზრდა, უმაღლესი და პროფესიული განათლების განვითარებისა და მაღალკვალიფიციური სპეციალისტების ჩამოყალიბების უზრუნველყოფა, ასევე საერთაშორისო სტანდარტებსა და თანამედროვე შრომის ბაზრის მოთხოვნების შესაბამისი ურთიერთთანამშრომლობის სისტემის ფორმირება.
მემორანდუმი ასევე ითვალისწინებს ისეთი ერთობლივი მიზნობრივი პროგრამების, პროექტების დაგეგმვა/შემუშავებას და განხორციელებას, რომლებიც მიმართულია კვლევების, საგანმანათლებლო საქმიანობის, აკადემიური სფეროს განვითარებისა და მოსწავლეების ცოდნის სრულყოფისაკენ.
