11:00-18:00
(+995 32) 299 75 07

სიახლეები

მოსწავლეთა 72 - ე სასწავლო-შემოქმედებითი კონფერენცია
13.05.2018

12 მაისს მოსწავლე-ახალგაზრდობის ეროვნულ სასახლეში მოსწავლეთა 72-ე სასწავლო-შემოქმედებითი კონფერენცია გაიმართა, რომლის მიზანია მოსწავლეთა ცოდნის გაღრმავება, დამოუკიდებელი მუშაობისა და ინფორმაციის სინთეზის უნარის განვითარება, მოსწავლეთა ინტერესის გაძლიერება მეცნიერებისა და კულტურის ამა თუ იმ დარგის დასაუფლებლად. წლევანდელი კონფერენცია ილია ჭავჭავაძის დაბადებიდან 180-ე წლისთავს მიეძღვნა.

კონფერენციაში საჯარო და კერძო სკოლების VIII - XII კლასების მოსწავლეები, მოსწავლე- ახალგაზრდობის სახლების, ახალგაზრდული ცენტრებისა და არასასკოლო დაწესებულებების წრეებისა და კლუბების წევრი ბავშვები მონაწილეობდნენ.

მონაწილეებმა კონფერენციის დასკვნით ტურზე, 20 სექციაში მეცნიერების, კულტურისა და სპორტის სხვადასხვა სფეროში შექმნილი 380 სამეცნიერო ნაშრომი წარმოადგინეს. მოსწავლეთა ნამუშევრები მეცნიერებმა და სხვადასხვა სფეროს მაღალი დონის სპეციალისტებმა შეაფასეს.

კონფერენციის დასასრულს წარმატებულ მონაწილეეებს საზეიმო ვითარებაში გადაეცათ დიპლომები და სიგელები,  ქალაქ თბილისის მუნიციპალიტეტის მერიის, საქართველოს მეცნიერებათა ეროვნული აკადემიის, კულტურის და სპორტის სამინისტროს დიპლომები,  საქართველოს კათოლიკოს-პატრიარქის საქველმოქმედო ფონდის, საერთაშორისო საქველმოქმედო ფონდ „იავნანას", სხვა პარტნიორი ორგანიზაციების, სასახლის მეცენატთა და მეგობართა კლუბის წევრების მიერ დაწესებული პრიზები და საჩუქრები.