პოსტერების კონკურსი – ახალგაზრდების ხმა პლასტმასის დაბინძურების წინააღმდეგ

Jun 5, 2021

თბილისის ახალგაზრდული კლუბი აცხადებს პოსტერების კონკურსს „ახალგაზრდების ხმა პლასტმასის დაბინძურების წინააღმდეგ”.

კონკურსში მონაწილეობის მიღება შეუძლია საქართველოს სკოლების VII-XII კლასის მოსწავლეებს.

მონაწილეებმა ელექტრონული პოსტერის სახით უნდა წარმოაჩინონ პლასტმასით დაბინძურების პრობლემა.

კონკურსში მონაწილეობის მისაღებად პოსტერი უნდა გაავრცელოთ ჰეშთეგით #თბილისისახალგაზრდულიკლუბი #ახალგაზრდებიპლასტმასისწინააღმდეგ #ეროვნულისასახლე და ამავდროულად აუცილებლად გამოგზავნოთ მეილზე ნამუშევარი tbilisisakhalgazrduliklubi@gmail.com

გთხოვთ, თქვენი ელექტრონული წერილის აღწერაში აუცილებლად მიუთითოთ პოსტერის ავტორის სახელი, გვარი და საკონტაქტო ტელეფონის ნომერი.

საკომკურსო მასალები მიიღება 20 ივნისის ჩათვლით!

მონაწილეებს შეაფასებენ ობიექტური ჟიური, რომლის წევრები იქნებიან სხვადასხვა ორგანიზაციისა და ადგილობრივი თვითმმართველობის წარმომადგენლები.

შეფასებისას განსაკუთრებული ყურადღება გამახვილდება ნაშრომის ორიგინალურობასა და ავტორის შემოქმედებით მიდგომაზე.

გამარჯვებულს გადაეცემა სერთიფიკატი და სიმბოლური საჩუქრები. ხოლო, გამარჯვებული პოსტერი გამოქვეყნდება ეროვნული სასახლის გვერდზე.

გისურვებთ წარმატებებს!